Աշխատավոր, 6 փետրվարի, 1920թ., թիվ 29
Կառավարական տագնապը ձգձգվում է։ Սոցիալիստական ֆրակցիան մի նամակով դիմել է Նախարարապետ Ուսուբբեկովին, որով ուլտիմատիվ կերպով հայտարարում է, որ ներքին գործերի մինիստր Հաջինսկու հրաժարվելու դեպքում սոցիալիստական ֆրակցիան կառավարությունից հետ կկանչի իր ներկայացուցիչներին։ Մ. Հաջինսկու հրաժարականը սոցիալիստական ֆրակցիան խախտումն է համարում իր կառավարության մեջ մասնակցելու պայմաններից մեկի։
Նախարարապետը պաշտոնապես հաղորդել է սոցիալիստական ֆրակցիային, որ Հաջինսկու հրաժարականի խնդիրը մնում է մինչև փետրվարի 10-ը։ Մինչ այդ ժամանակ ներքին գործերի մինիստրության վարիչը մնում է Հաջինսկին, որը պիտի լուծի ներքին գործերի վերաբերյալ բոլոր կարևորագույն հարցերը, երկրորդական խնդիրների լուծումը վերապահելով Վեքիլովին։
Հայդարովի օգնականի խնդիրը վճռվել է նույն կերպ և Հայդարովի հարցի հետ է կապված։
Սոցիալիստական ֆրակցիայի ակնառու և պատասխանատու մի գործչի կարծիքով կառավարական տագնապը կսրվի, և սոցիալիստները, հավանորեն, դուրս կգան կառավարությունից։
