March 29, 2024

Ստորագրվել է համաձայնագիր

  • by Archives.am
  • 31 Years ago
  • 0

«Հայաստանի Հանրապետություն», 30 հուլիսի, 1993թ., 150(754), ուրբաթ

Ադրբեջանի և Լեռնային Ղարաբաղի պաշտոնական անձանց 1993թ. հուլիսի 28-ի հանդիպման արդյունքում ստորագրվել է համաձայնագիր: Կողմերն համաձայնել են ամեն տեսակի հարձակողական գործողությունները՝ հրթիռակոծումները, հրետակոծումները և օդային ռմբակոծումները դադարեցնելու մասին ավելի վաղ՝ ս.թ. հուլիսի 24-ին ձեռք բերված պայմանավորվածությունը երկարաձգել 7 օրով, որի ընթացքում պետք է համաձայնություն ձեռք բերվի Ադրբեջանի և Լեռնային Ղարաբաղի ղեկավարների բարձր մակարդակի հանդիպման շուրջ: Այդ հանդիպման մասին համաձայնագիրը ստորագրվելու է դրա համար լիազորված Ադրբեջանի և Լեռնային Ղարաբաղի պաշտոնական ներկայացուցիչների կողմից:

Նշված համաձայնության կայացման դեպքում ամեն տեսակի հարձակողական գործողությունները, հրթիռակոծումներն ու հրետակոծումները և օդային ռմբակոծումները դադարեցնելու պայմանավորվածությունը ինքնաբերաբար երկարաձգվում է մինչև այդ հանդիպման օրվա ժամը 24:00, եթե հանդիպման ժամանակ այլ ժամկետներ չհամաձայնեցվեն:

Սույն համաձայնագիրը ստորագրել են երկու կողմերի ռազմական գերատեսչությունների ղեկավարները՝ Լեռնային Ղարաբաղի պաշտպանության նախարար Ս. Սարգսյանը և Ադրբեջանի պաշտպանության նախարարի պաշտոնակատար Ս. Աբիևը:

Արմենպրես

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives