«Երկիր», 1992թ., 23 դեկտեմբերի, 248 (337)
Ինչպես արդեն հայտնել ենք, ՆԱՏՕ-ի խորհրդի դեկտեմբերի 17-18-ին Բրյուսելում կայացած նստաշրջանում մերժվել է Լեռնային Ղարաբաղի հարցի լուծման ադրբեջանական տարբերակը։ Ահա մի հատված նստաշրջանի՝ Ղարաբաղին վերաբերող որոշումից. «Կետ 14. Մենք խորապես մտահոգված ենք Լեռնային Ղարաբաղում եւ նրա շուրջը շարունակվող հակամարտությամբ։ Հակամարտող կողմերին կոչ ենք անում հրադադար հաստատել։ Մենք ամբողջությամբ պաշտպանում ենք ՄԱԿ-ի եւ ԵԱՀԽ-ի սկզբունքները, ինչպես նաեւ ԵԱՀԽ-ի բոլոր ձեռնարկումներն ու որոշումները։ Հավատում ենք, որ ԵԱՀԽ-ի խորհրդակցությունը անմիջական հնարավորություն կստեղծի հակամարտության խաղաղ կարգավորման համար, եւ սատար ենք կանգնում Հռոմի հանդիպման շրջանակներում սկսված աշխատանքները շարունակելու ջանքերին»։
