March 28, 2024

Լաչինում թշնամու գրոհը ետ է մղվել

  • by Archives.am
  • 31 Years ago
  • 0

«Երկիր», 1992թ., 10 դեկտեմբերի, 239 (328)

Դեկտեմբերի 8-ի երեկոյան լարվածությանը պահպանվել է Լաչինի միջանցքի հարավում։ Լաչինի ինքնապաշտպանական ուժերի շտաբից հայտնում են, որ հակառակորդը մի քանի անհաջող փորձ է ձեռնարկել Սաֆյան-Գյուլեբիրտ հատվածի հայկական ինքնապաշտպանական ուժերի դիրքերի ուղղությամբ: Հայկական կողմի վճռական գործողությունների շնորհիվ հակառակորդի գրոհները ետ են շպրտվել։ Հայկական կողմից կորուստներ չկան: Ադրբեջանցիները կրել են զինուժի զգալի կորուստներ։

Միջանցքի հարավում, ժամը 22-ի սահմաններում, հաստատվել է հարաբերական անդորր։ Գիշերը եւ դեկտեմբերի 9-ի ժամը 18-ի դրությամբ իրավիճակը Լաչինի միջանցքի հյուսիսում եւ հարավում համեմատաբար հանգիստ էր։

Դեկտեմբերի լույս 9-ի գիշերը Գորիսի շրջանի Շուռնուխ գյուղի ինքնապաշտպանական դիրքերի ուղղությամբ նույնպես լարվածությունը պահպանվել է։ Ժամը 3-ի սահմաններում Շուռնուխի ինքնապաշտպանական ուժերի մարտիկների եւ ադրբեջանական բանակի ստորաբաժանումների միջեւ ծավալվել են դիրքային մարտեր։ Հայկական կողմից մեկ մարտիկ վիրավորվել է եւ տեղափոխվել Գորիսի հիվանդանոց։

Գորիսի շրջխորհրդից հայտնեի են, որ դեկտեմբերի 9-ի երեկոյան ժամը 18-ի դրությամբ շրջանի սահմանամերձ բնակավայրերում եւ հայկական ինքնապաշտպանական ուժերի դիրքերի ուղղությամբ միջադեպեր չեն գրանցվել։

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives