March 29, 2024

Երիտասարդներ, դեպի ֆրոնտ

  • by Archives.am
  • 4 Years ago
  • 0

Զանգ, 25 դեկտեմբերի, 1918թ., թիվ 84

Ով չի օգնում ֆրոնտի զորքին — նա դավաճանում է Հայաստանի Հանրապետությանը

Քաղաքացինե՛ր, Լեբել և տաճկական հրացանները տվե՛ք կառավարությանը

Լոռիի դեպքերը երթալով ծավալվում են: Վրացիները մի շարք պարտություններ կրելուց հետո դեռ շարունակում են դիմադրել: Մեր զորքերը հաղթական առաջ են շարժվում, և հեռու չէ այն ժամանակը, երբ Հայաստանի հողը մաքրված կլինի նաև վրացական բանդաներից:

Մեր զորքը ահագին գործ է կատարում ֆրոնտում, իսկ ի՞նչ է անում թիկունքը. կատարո՞ւմ է արդյոք նա իր պարտականությունը:

Ֆրոնտը թիկունքից պահանջներ ունի: Անհրաժեշտ է անմիջապես հասցնել օգնական մասեր, ուրեմն հարկավոր է մեծ ուժ տալ հայտարարված զորահավաքին: Հայ երիտասարդությունը պարտավոր է շտապել դեպի զորանոց, եթե նրա համար թանկ է Հայաստանի պետության պատիվն ու անվտանգությունը:

Ֆրոնտի համար հարկավոր են լեբել և տաճկական հրացաններ, ինչպես նաև մոսինի փամփուշտ: Թիկունքում՝ ժողովրդի մեջ շատ կա դրանից. Հասարակությունը պետք է աջակցի սկսված ժողովարարության և կամովին տանի տա իր ունեցած զենքն ու փամփուշտը:

Ֆրոնտի պահանջը չպետք է անարձագանք թողնել:

Ֆրոնտին պետք է աջակցել ամեն բանով: Ֆրոնտի հաջողությունից է կախված Հայաստանի Հանրապետության ապահովությունն ու բարգավաճումը:

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives