October 1, 2020
  • Homepage
  • >
  • Thematic
  • >
  • War
  • >
  • Սահմանամերձ շրջաններում վերսկսվել են հրթիռակոծումները

Սահմանամերձ շրջաններում վերսկսվել են հրթիռակոծումները

  • by Archives.am
  • 28 Years ago
  • 0

«Երկիր», 1992թ., 18 դեկտեմբերի, 245 (334)

Ինչպես տեղեկացնում են Գորիսի շրջխորհրդից, դեկտեմբերի 16-ի կեսօրին Լաչինի հյուսիսային բնակավայրերի ադրբեջանական ռազմական հենակետից վերստին հրթիռակոծվել են Գորիսի շրջանի Տեղ եւ Արավուզ գյուղերի հայկական ինքնապաշտպանական դիրքերը։ Տուժածներ չկան:

Հրթիռակոծումները վերսկսվել են նաեւ հանրապետության Կրասնոսելսկի եւ Տավուշի սահմանամերձ տարածքներում։ Շրջխորհուրդներից ստացված տեղեկությունների համաձայն, դեկտեմբերի 17-ին, ադրբեջանական Գետաբեկի շրջանից ուժգին հրթիռակոծվել են Կրասնոսելսկի ինքնապաշտպանական դիրքերը, իսկ Թովուզի շրջանից՝ Տավուշի Ներքին Կարմիրաղբյուր գյուղը: Տուժածների վերաբերյալ տեղեկությունները ճշտվում են։

Դեկտեմբերի 16-ի երեկոյան, խախտելով Հայաստանի օդային սահմանները, ադրբեջանական ռազմական ինքնաթիռը հետախուզական թռիչքներ է կատարել Կրասնոսելսկի շրջանի Ջիլ գյուղի վրա։

Ըստ նույն աղբյուրների, մարդկային ուժի եւ զինվորական տեխնիկայի խոշոր կուտակումներ են նկատվում Գետաբեկի՝ Կրասնոսելսկին սահմանակից տարածքներում։

Դեկտեմբերի 15-ին, ադրբեջանական Ղազախի շրջանից արձակված գնդակներից, ծանր վիրավորվել է Կոթի գյուղի բնակիչներից մեկը։

Դեկտեմբերի 16-ին Իջեւանից Նոյեմբերյան բենզին տեղափոխող բեռնատարը Բաղանիս- Այրում տարածքում, պայթել է ականի վրա։ Վարորդը եւ ուղեկցողը ծանր մարմնական վնասվածքներով տեղափոխվել են հիվանդանոց։

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives