October 1, 2020

Հետ է շպրտվել Չլդրանի վրա գրոհը

  • by Archives.am
  • 28 Years ago
  • 0

«Երկիր», 1992թ., 4 սեպտեմբեր 170 (259)

Սեպտեմբերի 2-ին, կրկին խախտելով Ալմա-Աթայում ձեռք բերված պայմանավորվածությունը, Ադրբեջանի ազգային բանակը հրասայլերով ու այլ զրահատեխնիկայով և մեծաքանակ հետևակով հարձակում է ձեռնարկել Մարտակերտի շրջանի Չլդրան գյուղի վրա:

Ադրբեջանկան բանակի ստորաբաժանումները տարբեր ուղղություններով փորձել են ճեղքել ԼՂՀ ինքնապաշտպանության ուժերի պաշտպանական գիծը և մոտենալ գյուղին: Հայկական ջոկատները բոլոր ուղղություններով ուժեղ հակահարված են հասցրել թշնամուն և հետ շպրտել նախկին դիրքերը:

ԼՂՀ ինքնապաշտպանության ուժերի շտաբի տվյալներով, ադրբեջանցիները մարտադաշտում թողել են ավելի քան 30 սպանվածներ և տվել են 100 վիրավորներ: Ոչնչացվել է թշնամու երկու հրասայլ:

Միևնույն ժամանակ, Ադրբեջանի հանրապետության ԼՂՀ-ի սահմանակից շրջաններից շարունակվել է Մարտունու, Հադրութի և Ասկերանի շրջանների սահմանամերձ բնակավայրերի հրթիռակոծությունը:

Ըստ տարբեր աղբյուրներից ստացված տեղեկությունների, տուժածներ չկան: Կան մասնակի ավերածություններ:

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives