June 13, 2021

Կապանի ուղղությամբ ուժգին հակահարված

  • by Archives.am
  • 28 Years ago
  • 0

Ազգ, 24 մարտի, 1993թ., թիվ 53(304), չորեքշաբթի

Ադրբեջանական կազմավորումները կենդանի ուժի զգալի կորուստներ են կրել մարտի 22-ի երեկոյան՝ Կապանի շրջանի սահմանային գոտու ուղղությամբ ձեռնարկված լայնածավալ գրոհի ընթացքում: Ինչպես երեկ տեղեկացանք Հայաստանի պաշտպանության նախարարության լրատվական ծառայությունից, հայկական ուժերին հաջողվել է ոչ միայն լիովին կասեցնել թշնամու գրոհը, այլև վերահսկողություն սահմանել մարտավարական կարևոր նշանակություն ունեցող մի քանի բարձունքների վրա: Հայկական կողմից վիրավորվել է երեք զինվոր:

Երեկ և նախորդ գիշեր իրադրությունը Հայաստանի սահմանամերձ մյուս շրջաններում համեմատաբար հանգիստ է եղել: իրենց հերթին ադրբեջանական աղբյուրները հայտնում են, թե երեկ և նախորդ գիշեր Հայաստանի Կապանի շրջանի տարածքից հրետակոծվել և գնդակոծվել են Ադրբեջանի Զանգելանի շրջանի սահմանամերձ բնակավայրերը: Տուժածների և ավերածությունների մասին մանրամասնություններ չեն հաղորդվում: Ըստ նույն աղբյուրների, գնդակոծվել են նաև Ադրբեջանի հյուսիս-արևմտյան սահմանամերձ շրջանները:

«Ազգ»

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives