September 17, 2021

Խփվեց ռուսաստանյան ինքնաթիռը

  • by Archives.am
  • 29 Years ago
  • 0

«Երկիր», 1993թ., 20 մարտի, 50 (391)

Մարտի 19-ին հրապարակվել է Աբխազիայի Հանրապետության պաշտպանության նախարարության մամլո ծառայության հայտարարությունը, ուր ասված է. «Վրաստանի Հանրապետության պաշտպանության նախարար Թ. Կիտովանիի մարտի 18-ի վերջնագրին, ուր նա պահանջել էր եռօրյա ժամկետում Սուխում քաղաքի տարածքից դուրս բերել թիվ 901 պարաշյուտադեսանտային գումարտակը, հետեւեց ռուսաստանյան ՍՈւ-27 ինքնաթիռի ոչնչացումը։

Այն բանից հետո, երբ մարտի 19-ին ժամը 3:40-ին ռուսաստանյան ռազմական օբյեկտի վրա հայտնվեցին Վրաստանի ռազմաօդային ուժերի ՍՈւ-25 2 գրոհայիններ, օդ բարձրացավ ռուսաստանյան զինված ուժերի ՍՈւ-27 մի գրոհային։ Ժամը 4:30-ին այդ ինքնաթիռը խփվեց վրացական բանակի ՍՍ-75 Ա զենիթահրթիռային համալիրով։

Կան ինքնաթիռի պայթյունի եւ վառվող բեկորների անկման ականատեսներ։ Այս տեղեկատվությունը հաստատում են նաեւ վրացական բանակի զինծառայողների՝ ռադիոյի միջոցով բռնված բանակցությունները, որոնցում հաղորդվում է ինքնաթիռի ոչնչացման հանձնարարության հաջող կատարման մասին»։

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives