May 12, 2021

Իրավիճակը հայ-վրացական սահմանում

  • by Archives.am
  • 28 Years ago
  • 0

«Երկիր», 1993թ., 6 մարտի, 41 (382)

Երրորդ օրն է, որ հայ-վրացական սահմանագլխին բանակցություններ են տեղի ունենում երկու պետությունների ներքին գործերի նախարարությունների ներկայացուցիչների միջեւ։ Ինչպես հայտնի է, Վրաստանի՝ Հայաստանին սահմանակից մասում կտրուկ սրվել է իրավիճակը։ Հաճախակիացել են հայկական ավտոտրանսպորտի միջոցների վրա կատարվող հարձակումները։ Այսպես, մի քանի օր առաջ հարձակում էր կատարվել Հայաստանից Թբիլիսի ուղեւորվող ավտոբուսի վրա։ Վրաստանի ՆԳ նախարարության մամլո կենտրոնի պետ Վալիկո Գոգոլաշվիլին մտահոգություն է հայտնել, որ Վրաստանի սահմանագլխին իրադրությունը կարող է սրվել՝ կապված հայ պատանդներից մեկի դիակի հայտնաբերման հետ։ Գոգոլաշվիլին չի ճշտել՝ արդյուք մահացածը եղել է վերոհիշյալ ավտոբուսի ուղեւոր, թե ոչ։ Նա նշել է նաեւ, որ մարտի 5-ին բանակցություններ վարելու համար Երեւան է ժամանել Վրաստանի ՆԳՆ քրեական ոստիկանության վարչության պետ Դեմուրի Միկաձեն։

«Սնարք»

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives