March 8, 2021

Ալիևը խոստովանում է, որ իրենք են խախտել զինադադարը

  • by Archives.am
  • 28 Years ago
  • 0

Ազգ, 24 օգոստոսի, 1993թ., թիվ 161(412), երեքշաբթի

Օգոստոսի 23-ին ելույթ ունենալով Բաքվի հեռուստատեսությամբ, դիմելով իր ժողովրդին, Ադրբեջանի նախագահի պաշտոնակատար Հեյդար Ալիևն ադրբեջանական զորքերի վերջին անհաջողությունները բացատրեց միասնական հրամանատարության բացակայությամբ և ցածր կարգապահությամբ: Անդրադառնալով Ֆիզուլի շրջկենտրոնը հայերի կողմից գրավելու մասին տեղեկությանը, Ալիևը նշեց, որ այնտեղ տեղաբաշխված զորքերը Ֆիզուլի քաղաքի վարչակարգի ուղղակի հրամանով իրենք են թողել քաղաքը: Նա նշեց նաև, որ շրջանների որոշ ղեկավարների գործողությունները, որոնք քաղաքական շահադիտական նպատակներ են հետապնդում, պառակտում են ադրբեջանական զինված ուժերը:

Որպես օրինակ, Ալիևը վկայակոչեց Աղջաբեդիի շրջանում գնդապետ Հումմեթովին ենթակա գումարտակի սադրիչ գործողությունները, որը գրգռելով հայկական կողմին, խախտեց զինադադարը և անցավ հարձակման հակառակորդի դիրքերի վրա: Նրա խոսքերով, հարձակման հետևանքով ադրբեջանցի 50-ից ավելի զինյալներ գերվել են: Կան սպանվածներ ու վիրավորներ: Ալիևն ընդգծեց, որ հենց ադրբեջանական զորքերն են խախտել հնգօրյա զինադադարի մասին պայմանավորվածությունը:

Իր հեռուստաելույթում նա մեծ ուշադրություն դարձրեց նաև Մուղանի Թալիշական Հանրապետությունում տիրող իրադրությանը: Ըստ Ալիևի, այդ հանրապետության ղեկավար Ալիքրամ Հումմեթովը շարունակում է անտեսել Միլլի մեջլիսի բոլոր կոչերը Լենքորանում իշխանության ոչ սահմանադրական կառուցվածքները լուծարելու մասին: Ալիևը մեղադրեց նաև պաշտպանության նապկին նախարար Ղազիևին, որը, ըստ նրա, աջակցում է թալիշ անջատողականների գործողություններին: Հեյդար Ալիևը դժգոհություն հայտնեց նաև Ադրբեջանի վարչապետ Սուրեթ Հուսեյնովի անվճռականության կապակցությամբ, որը չկարողացավ եռօրյա ժամկետում կարգուկանոն հաստատել Լենքորանի գոտում: Վերջում Ադրբեջանի նախագահի պաշտոնակատարը կոչ արեց Մուղանի Թալիշական Հանրապետության 7 շրջանների բնակչությանը պայքարի ելնել Ալիքրամ Հումմեթովի դեմ:

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives