Հառաջ, 4 ապրիլի, 1920թ., թիվ 71
Գորիս, մարտի 31-ին: 14 ժամ 30 րոպե Ադրբեջանի զորքերը խոշոր ուժերով՝ երեք տեսակի զենքերով, ունենալով 10 թնդանոթ, հարձակում գործեցին երեք ուղղությամբ. Մինքենդի կողմից՝ Գորիսի վրա, Քերլյարի կողմից՝ Ալի-Կուլի-Ուշաղի վրա և Ջեբրայիլի կողմից՝ Ղափանի վրա: Առաջին երկու ուղղությամբ բոլոր հարձակումները հայերի կողմից հետ են մղված և Ադրբեջանի զորքերի հարձակումը դադարեցված է: Ղափանի ուղղությամբ հայկական ուժերը, որոնք բաղկացած են եղել տեղական բնակիչներից, կարողացել են թշնամուն հետ մղել դեպի Այնյթաղ բարձունքները: Մարտի 25-ին թշնամին հետ է շպրտված և դրությունը վերականգնված է: Հայերը հետապնդում են խուճապի մատնված հակառակորդին: Մարտի 26-ին հետ են մղված Ադրբեջանի զորքերի ուժեղ հարձակումները: Հայերը հակահարձակման են դիմել Տեղից մինչև Խարթիզ և վճռական գրոհով պատռել են թշնամու ճակատը, սկսած Բազրբեկլուից մինչև Մասխուդլի և առաջ են շարժվել մեծ հաջողությամբ: Հայերը գարվել են Ասկերանը, խլելով մի թնդանոթ և երկու գնդացիր. Շրջապատել են Մալիբեյլու գյուղը, թշնամու շտաբը, Խանքենդին և Շուշին: Կլիմայական և պարենավորման ամենաանբարեհաջող պայմաններում հայ ազգաբնակությունը անձնազոհությամբ պաշտպանում է իր ազատությունը:
