May 11, 2021

Վեհիբ փաշայի հեռագիրը

  • by Archives.am
  • 1 Year ago
  • 0

Հորիզոն, 30 (17) ապրիլի, 1918թ., թիվ 81

Անդրկովկասյան կառավարության նախագահ Ա. Ի. Չխենկելին Կովկասյան ճակատի թուրք բանակի հրամանատարից ստացել է հետևյալ հեռագիրը.

«Նորին գերազանցություն Անդրկովկասյան հասարակապետության մինիստր-նախագահ, արտաքին գործերի մինիստր Չխենկելիին.

Պատիվ ունեմ հաղորդելու ձեզ հետևյալը

1. Օսմանյան կայսերական կառավարությունը ճանաչել է Անդրկովկասյան կառավարության անկախությունը և հաղորդել է այս մասին իր դաշնակիցներին։

2. Օսմանյան պատվիրակությունը մեկնու է մի քանի օրից հետո Պոլսից։ Նորին գերազանցություն արդարադատության մինիստր Խալիլ բեյը և ես մասնակցում ենք կայսերական պատվիրակությանը։

3. Համաձայն ձեր ցանկության կայսերական կառավարությունը ընդունում է Բաթումը իբրև բանակցությունների վայր։

4. Հյուսիսային Կովկասը հայտարարեց իր անկախությունը և հայտագրեց այդ մասին կայսերական կառավարությանը և մյուս պետություններին։ Հյուսիսային Կովկասի պատվիրակությունը, որ գտնվում է Պոլսում, Բաթում կմեկնի օսմանյան պատվիրակության հետ և քայլեր կանի իրենց երկիրն Անդրկովկասի հետ միացնելու համար։ Խնդրում եմ ձեզ, պարոն նախագահ, ընդունել իմ ամենաանկեղծ հարգանքը և մասնակցել այն գոհունակությանը, որ ես զգում եմ երկու կողմերի համար ևս բախտավոր, պատվավոր և օգուտներով լի երլքի հեռանկարի հանդեպ։ Վեհիբ Մեհմեդ, Կովկասյան ճակատի գլխավոր հրամանատար»։

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives