Զանգ, 15 դեկտեմբերի, 1918թ., թիվ 80
12 դեկտեմբերի
Վրաստանի կողմից բռնությամբ գրավված Բորչալուի գավառի հայկական մասում վրաց զորքերի կատարած գործառնությունները մի կացություն են ստեղծել շրջանում, որն այլևս տանելի չէ: Միայն անհապաղ հետ քաշելով այդ շրջանից վրաց զորքերը կարելի կլիներ արյունահեղությունը շարունակելու առաջն առնել և հաստատ բարեկամական հարաբերություններ ամրապնդել Վրաստանի և Հայաստանի միջև: Այս պատճառով Հայաստանի կառավարությունը պատիվ ունի առաջարկելու Վրաստանի կառավարությանը դուրս հանել առանց որևէ հապաղման վրաց զորքերը Բորչալուի գավառի հայկական մասից: Ձեր կողմից մերժելու կամ ձգձգելու դեպքում Հայաստանի կառավարությունը հարկադրված կլինի անհրաժեշտ միջոցներ ձեռք առնել Հայաստանի քաղաքացիներին վրաց զորքի բռնությունների ու անկարգությունների ազատելու համար:
