«Երկիր», 1993թ., 17 մարտի 47 (388)
Ինչպես վրացական հեռուստատեսությամբ մարտի 15-ին հայտարարել է Սուխումում գտնվող Աբխազիայի Նախարարների խորհրդի նախագահ Թամազ Նադարվիշվիլին, հայկական գումարտակի ստեղծման վերաբերյալ հաղորդագրությունը համընդհանուր վրդովմունք է առաջ բերել Սուխումում։ Ըստ իրեն հասած տեղեկությունների, վրաց ազգաբնակչությունը, որն ապրում է Վլադիսլավ Արձինբայի զորքերի կողմից վերահսկվող Աբխազիայի շրջաններում, ողբերգական վիճակում է. աբխազները արգելում են նրանց խոսել վրացերեն, հրդեհված են վրացական դպրոցները։ Թ. Նադարվիշվիլին միաբանության կոչ է ուղղել վրաց ժողովրդին ՝ Վրաստանի համար այդ դժվարին շրջանում։
Մարշալ Բաղրամյանի անվան գումարտակը ստեղծվել է Գուդաուտայի շրջանում՝ տեղի հայերից։ Գումարտակի հրամանատարությունը ծրագրել է Վլադիսլավ Արձինբայի զորքերի կազմում մասնակցել Վրաստանի դեմ ուղղված ռազմական գործողություններին։
«Նոյյան տապան»
