March 28, 2024

Գյանջայի օդանավականն ավերվել է

  • by Archives.am
  • 6 Years ago
  • 0

Երկիր, 10 հունիսի, 1993թ., հինգշաբթի

Հունիսի 4-ին խռովարարների կողմից կատարված հարձակման հետևանքով ավերվել է Գյանջա քաղաքի օդանավակայանը: Խզվել է Գյանջայի օդային կապը հանրապետության այլ քաղաքների ու շրջանների, ինչպես նաև արտասահմանի հետ: Օդանավակայանին հասցվել է 2 մլրդ ռուբլու վնաս: Լրիվ այրվել է 350 մլն ռուբլի արժողության լուսավորիչ սարքը:

Գյանջայի օդանավակայանը շահագործման է հանձնվել 1981թ.: Օդանավակայանի ինքնաթիռները թռիչքներ են կատարել 25 երթուղիներով (նախկին ԽՍՀՄ հանրապետության տարբեր քաղաքներ): Նախարարների խորհրդի որոշմամբ օդանավակայան էին բերվել նոր ինքնաթիռներ, որոնք խռովարարների հարձակման օրվա երեկոյան հնարավոր եղավ դուրս բերել այդտեղից: Գյանջայի օդանավակայանի պաշտպանության մասնակից, ոստիկանական ակադեմիայի պետի տեղակալ գեներալ-մայոր Ռամիզ Մամեդովը հայտնել է, որ հունիսի 4-ին խռովարարները ժամը 19-ից սկսած օդանավակայանը գնդակոծել են տանկերից ու հրետանուց: Օդանավակայանի գնդակոծությունը տևել է մինչև հունիսի 5-ի ժամը 20-ը: Սաստիկ հրետանային գնդակոծության հետևանքով լրիվ ավերվել են օդանավակայանի վարչական շենքը և անգարները:

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives