Երկիր, 28 հուլիսի, 1993թ., չորեքշաբթի
Ադրբեջանի առաջին փոխվարչապետ Վ. Ահմեդովի նախագահությամբ հուլիսի 26-ին Բաքվում տեղի է ունեցել կառավարության անդամների և պետական ֆինանսական կառույցների ներկայացուցիչների խորհրդակցություն: Հանդիպման ժամանակ քննարկվել են այն միջոցառումները, որոնք պաշտոնական Բաքուն կարող է ձեռնարկել ՌԴ կենտրոնական դրամատան վերջին որոշման առնչությամբ: Ըստ չհաստատված տեղեկատվության՝ Ադրբեջանի յուրաքանչյուր քաղաքացի իշխանությունների կողմից որոշված ժամկետում կկարողանա փոխանակել ոչ ավելի, քանի 15000 ռուբլի:
