«Երկիր», 1993թ., 16 մարտի, 46 (387)
Ձմռան ամիսներին գրեթե լիովին իր աշխատանքը դադարեցրած մայրաքաղաքի քաղաքային տրանսպորտն այսօր վերակենդանացման նշաններ է ցույց տալիս։ Մարտի 15-ին քաղաքի փողոցներում արդեն միայն հատուկենտ չէին ավտոբուսները, գործում էին էլեկտրատրանսպորտի մի շարք երթուղիներ։
Այսպես, շուրջ երեքամսյա դադարից հետո նորից գործում է Ավան թաղամասը քաղաքի կենտրոնին կապող տրոլեյբուսային թիվ 17 երթուղին, լրիվ երթուղով է վերսկսել գործել թիվ 8 տրոլեյբուսը։ Առաջիկա օրերին կվերսկսի գործել նաեւ թիվ 11 տրոլեյբուսային երթուղին։ Նկատելի է նաեւ տրամվայի աշխատանքների բարելավման միտումը, վերականգնվել է Զեյթուն թաղամասը քաղաքի մյուս ծայրամասերի հետ կապող տրամվայների աշխատանքը։ Մարտի 15-ին երթուղի են դուրս եկել 166 ավտոբուս, 114 տրոլեյբուս եւ 44 տրամվայի գնացք։
