«Երկիր», 1993թ., 5 մարտի, 40 (381)
Թե մեր, թե ադրբեջանական աղբյուրները նշում են, որ թեժ մարտերը Սարսանգի ջրամբարի մոտ շարունակվում են, սակայն Մարտակերտի ճակատային գծում օպերատիվ իրավիճակի որեւէ ակնհայտ փոփոխություն չի գրանցվել։ «Հայկական կողմը վստահորեն վերահսկում է ազատագրված տարածքները։ Այլ աղբյուրներից հայտնի է դարձել, որ շարունակվել են դիրքային մարտերը Կուսապատ եւ Մաղավուզ գյուղերի շրջակայքում։ Հայկական կողմից տուժածներ չկան:
Բաքվի տվյալներով, մարտի 3-ի երեկոյան հրետակոծվել են Ֆիգուլու շրջանի տարածքում գտնվող Մելիքդաղի ուղղության ադրբեջանական դիրքերը։ Իսկ անցած գիշեր Հայաստանի տարածքից «Գրադ» կայանքներից գնդակոծվել է Թովուզի շրջանի Դյուզչիրդախանի գյուղը, որտեղ կա 3 զոհ։ Հակամարտության մյուս գոտիներում հարաբերական հանգիստ է։
