«Երկիր», 1993թ., 6 ապրիլի, 61 (402)
Անկարան փորձում է աղմուկ բարձրացնել տարածաշրջանի վերջին իրադարձությունների առիթով։ Թուրքիայի կառավարությունը երեկ փակել է Հայաստանի հետ ցամաքային եւ օդային հաղորդակցության բոլոր ուղիները։ Դիմում է ներկայացվել ՄԱԿ՝ անհապաղ Անվտանգության խորհրդի նիստ հրավիրելու պահանջով։ Խորհրդի անդամ երկրների դեսպանները Թուրքիայում հրավիրվել են արտգործնախարարություն՝ տեղեկությունների համար։ Պաշտոնական Անկարան հայտարարել է, որ Քելբաջարի իրադարձությունները լուրջ մտահոգության առիթ են հանդիսացել, եւ որ Հայաստանի նախագահ Լ. Տեր-Պետրոսյանը ճիշտը չի ասում Հայաստանի բանակի չեզոքության մասին։ Թուրքիան հայտարարել է նաեւ, որ եթե անհրաժեշտ հետեւություններ չարվեն, ապա ինքը ստիպված կլինի ավելի վճռական քայլերի դիմել:
