«Ազգ», 23 մարտի, 1993թ., երեքշաբթի
Հասարակության ճգնաժամի և ՌԴ իշխանությունների դիմակայության հաղթահարման համար սահմանադրական հնարավորություններ կան,— գտնում է Ռուսաստանի փոխնախագահ Ալեքսանդր Ռուցկոյը երկուշաբթի օրը Մոսկվայում տարածած հայտարարության մեջ: Դրանք են ազգային համաձայնությունը և բոլոր քաղաքական ուժերի ու իշխանության կառուցվածքների երկխոսությունը: Ըստ նրա, այսօր, ինչպես 1991-ի օգոստոսին, վճռվում է Ռուսաստանի ճակատագիրը: Քննադատելով Ելցինի ելույթը, Ռուցկոյը կոչ է անում հանրությանը առանց պիտակների և վիրավորանքների վերլուծել իրավիճակը և գտնել ուղիներ, որոնք կկայունացնեն հասարակությանը և կամրապնդեն նրա մեջ ժողովրդավարական հիմունքները:
