«Երկիր», 1992թ., 18 դեկտեմբերի, 245 (334)
Ինչպես հաղորդում է Ա.Մ.–ի թղթակիցը, երեկ Մեղրիի շրջանի Ալվանք, Լեհվազ եւ Վարդանիձոր գյուղերի (բոլորն էլ փախստականաբնակ) բնակիչները ոտքով եկել են շրջկենտրոն՝ շրջխորհրդի նախագահի հետ հանդիպման։ Հանդիպման ընթացքում նրանք խիստ դժգոհություն են հայտնել հացի չափազանց անկանոն մատակարարումից։ Շրջխորհրդի նախագահը, ընդունելով բողոքի արդարացիությունը, խոստացել է այսուհետեւ կարգավորել հացի հարցը։ Հանդիպման մասնակիցները զգուշացրել են շրջխորհրդի նախագահին, որ խոստումը դրժելու դեպքում իրենք ստիպված կլինեն դիմել ավելի վճռական գործողությունների։
