March 29, 2024
  • Homepage
  • >
  • Media
  • >
  • Armenian media
  • >
  • Հումմաթովի զինակիցները ընդհարվեցին կառավարականների հետ

Հումմաթովի զինակիցները ընդհարվեցին կառավարականների հետ

  • by Archives.am
  • 31 Years ago
  • 0

Ազգ, 26 օգոստոսի, 1993թ., թիվ 163(414), հինգշաբթի

Օգոստոսի 23-ին, ժամը 22-ին Լենքորանում զինված ընդհարումներ սկսվեցին կառավարական զորքերի և Մուղանի Թալիշական Հանրապետության ղեկավար Ալիքրամ Հումմաթովի կողմնակիցների միջև: Վերջինս իր 200 մարդկանցով թաքնվել էր 704-րդ բրիգադի դիրքերում, որոնք լիովին շրջապատված էին Ադրբեջանի ներքին զորքերի ստորաբաժանումների ու տեղաբնակների զինված խմբերի կողմից և գնդակոծվում էին զրահամեքենաներից ու նռնականետերից: Ընդսմին, բրիգադի հրամանատարը ժխտում է իր տարածքում խռովարար գնդապետի գտնվելու փաստը:

Օգոստոսի 24-ի առավոտյան Լենքորանի վարչակազմի շենքի առջև շարունակվում էր բազմահազարանոց հանրահավաքը: Խաբար սերվիս գործակալությանը տված հարցազրույցում ստեղծված իրավիճակն օրհասական անվանեց Լենքորանի շրջանի գործադիր իշխանության նոր ղեկավար Դիլարուբա Ջամալովան: Նա երկյուղներ ունի, որ Հումմեթովի մարդիկ քաղաքում իշխանությունը զավթելու նոր փորձ կձեռնարկեն: Չնայած դրան՝ Ջամալովան հայտարարեց, թե նրանց չի հաջողվի վերականգնել իրենց վարչակարգը: «Մենք բավարար ուժեր, այդ թվում զինված ուժեր ունենք հանցագործներին դիմակայելու համար, որոնց նպատակները հեռու են Ադրբեջանի շահերից»,— ասաց նա: Դիլարուբա Ջամալովան 1980-88թթ. եղել է Ադրբեջանի կոմկուսի Լենքորանի մարզկոմի առաջին քարտուղար, իսկ վերջերս տեղական համալսարանի պրոռեկտոր: Նաև հաղորդվում է, որ Ադրբեջանի նախագահի պաշտոնակատար Ալիևի հրամանագրով Լենքորանի բախումների ժամանակ զոհված երեք անձանց շնորհվել է Ազգային հերոսի կոչում: Օգոստոսի 24-ին նրանց թաղմանը ներկա էր Բաքվից եկած պատվիրակությունը:

Սնարք

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives