March 28, 2024

Զինադադարը Թուրքիայի հետ

  • by Archives.am
  • 106 Years ago
  • 0

Մշակ, 23 նոյեմբերի, 1917թ., թիվ 250

Թիֆլիսում լուր տարածվեց, որ թուրքական գեներալներից մեկը դիմել է կովկասյան ճակատի գլխավոր հրամանատար գեներալ Պրժևալսկիին և, հայտնելով թե թուրքական զորքը իմացել է, որ Ռուսաստանի այժմյան կառավարությունը հաշտություն է կամենում կնքել, առաջարկել է բանակցություններ սկսել թուրքական զորահրամանատարության հետ զինադադարի մասին:

Գեներալ Պրժևալսկին թուրք գեներալի այս դիմումը ենթարկել է երկրային կենտրոնների (զինվ., բանվ. և գյուղացիական խորհուրդների) քննության, ինչպես և Անդրկովկասյան Կոմիսարիատի քննության: Եվ թե կենտրոնները, թե Կոմիսարիատը միաձայն որոշել են ընդունել թուրք գեներալի առաջարկությունը և ուղարկել պատգամախոսներ զինադադարի մասին բանակցություններ սկսելու:

Հաղորդում են նույնպես, որ իբր դաշնակից պետությունները համաձայնել են, որ Ռուսաստանը կնքե Գերմանիայի և Թուրքիայի հետ սեպարատ հաշտություն բայց պայմանով, որ վերջինները պարտավորվեն իրենց զորքերը ճակատից չտանել այլ ճակատ:

Այսպես ուրեմն՝ շուտով կլինի զինադադար թուրք զորքի հետ և երեք ամիս (այս ժամանակամիջոցն է պայման դրվում) պատերազմը կդադարի:

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives