«Երկիր», 27 օգոստոսի, 1993թ., թիվ 162 (503)
Ադրբեջանի նախագահի պաշտոնակատար Հեյդար Ալիեւը օգոստոսի 25-ին հայտարարել է, որ ազգային բանակի կարեւորագույն պարտականությունն է իր հրամանատարության տակ առնել բանակային բոլոր միավորումները։ Նա շեշտել է, որ բանակը «քաղաքականացած» վիճակում է, մի իրողություն, որ Ադրբեջանի ժողովրդին կարող է միայն վնաս պատճառել։ Նա ավելացրել է, որ բանակի տարբեր միավորումներ դարձել են քաղաքական տարբեր ղեկավարների հետեւորդներ։ Հեյդար Ալիեւը «ազգի դավաճաններ» է որակել հարավային շրջաններում Թալիշ–Մուղանյան հանրապետություն հռչակած Ալիաքրամ Հումբատովին, նախկին համայնավար ղեկավար Այազ Մութալիբովին, նախկին պաշտպանության նախարար Ռահիմ Գազիեւին եւ նրանց համակիրներին։
