«Երկիր», 27 օգոստոսի, 1993թ., թիվ 162 (503)
Ինչպես արդեն տեղեկացրել ենք, վերջին օրերին շատ է խոսվում Ադրբեջանի ԱՊՀ-ին անդամակցելու հնարավորության մասին։ Ոմանք պնդում են, որ այդ դեպքում պատերազմը կավարտվի, եւ հայկական ուժերը կազատեն ադրբեջանական տարածքները։ «Հայլուրին» երեկ հայտնի է դարձել, որ անդրադառնալով այս լուրերին՝ Ադրբեջանի պետական խորհրդական Վաֆա Գուլուզադեն ասել է. «Այդ խոսակցություններն անհիմն են։ Ներկայումս մեզնից ոչ ոք չի պահանջում եւ չի խնդրում անդամակցել ԱՊՀ–ին։ Այդ անդամակցությունն էլ իր հերթին մեզ ոչինչ չի տա։ Այնպես որ, այդ մասին խոսակցությունները մնում են լոկ խոսակցություններ»։
