April 1, 2020
  • Homepage
  • >
  • Books
  • >
  • Տեսակցություն գնդապետ Գրիբենի հետ

Տեսակցություն գնդապետ Գրիբենի հետ

  • by Archives.am
  • 10 Days ago
  • 0
Ավետիս Ահարոնյան

Լոնդոն, 7 հունվարի, 1920թ.

Գնդապետ Գրիբենն արտաքին գործոց նախարարության զինվորական կարևոր խորհրդականն է։ Նրան են ենթարկվում Արևելքի քաղաքական կազմակերպությունների գործերը։ Սա իմ երկրորդ տեսակցությունն է նրա հետ։

Երկու օր առաջ տեղի ունեցած առաջին զրույցի նյութն էր մեր զորքի վերակազմությունը, որ նա էլ գտնում է անհետաձգելի և անհրաժեշտ, խոստանալով լիակատար աջակցություն։

Այս երկրորդ տեսակցությունը առաջինի շարունակությունն էր։ Գնդապետի կարծիքով Մուստաֆա Քեմալը 15000-ից շատ ավելի պակաս զորք ունի։ Գլխավորը մեր բանակի վերակազմությունն է, որի մասին նա պատրաստում է զեկույց արտաքին և զինվորական նախարարությունների համար։ Այս առթիվ կուզեր ունենալ լրիվ տեղեկություններ։

Հարց — Այս պայմանների մեջ Մուտաֆա Քեմալը կարո՞ղ է անցնել Հայաստան։

Պատասխան — Հավանորեն՝ ոչ։ Մեր լեռները, մեր դժվարին ճամփաները ձմռան զինվորական շարժումները դարձնում են համարյա անհնարին։

Գնդ. Գրիբեն — Այդ լավ է. Հետևապես մենք մեր առջև ունինք 3 ամիս՝ հայկական զորքի վերակազմության համար։ Կարո՞ղ եք ասել, թե որքան զորք կարելի է ոտի հանել։

Ես — Եթե լայն օգնություն լինի, կարծում եմ՝ 40 հազար։

Գրիբեն — Կարո՞ղ եք կերակրել այդ զորքերը, որովհետև մենք կուզենք զբաղվել զինվորական ու հագուստների հարցերով։

Ես — Եթե Ամերիկան այսպես շարունակի իր օժանդակությունը, հույս ունեմ, որ կկարողանանք։

Գրիբեն — Կարո՞ղ եք ասել, թե որքան ժամանակ կարող եք ձեր զորքը զենքի տակ պահել։ Ես ստուգապես գիտեմ, որ հույն զինվորները խստորեն տրտնջում են այս հարատևող կռիվներից։

Ես — Հույների և մեր քաղաքական կացության մեջ մեծ տարբերություն կա։ Նրանք ճգնում են ձեռք բերել, մեծացնել արդեն գոյություն ունեցող իրենց պետությունը, մինչդեռ մեր ժողովուրդը աշխատում է ազատվել թրքական լծից և պահպանել իր գոյությունը։ Հոգեբանական այս դրությունը ընդունակ է մեր զորքերին մղել թուրքերի դեպ պայքարի, մինչև իսպառ ազատվենք թուրքական վտանգից…

Գրիբեն — Իրավ է, այս հասկանում եմ։ Որքան շոգեմեքենա և վագոններ ունեք։

Ես — Մեր ունեցածները քիչ են։ Երկաթուղային գծերը մեծ մասով մնացին Վրաստանին և Ադրբեջանին։ Դուք կարող եք նրանցից առնել մեր բաժինը։

Գրիբենը տվեց մի քանի այսպիսի գործնական այլ հարցեր, որոնց ես պատասխանեցի և նրան տվի զինվորական դրության մասին մի աշխատություն, որ պատրաստել էր գեներալ Ղորղանյանը։

(Ավետիս Ահարոնյան, Սարդարապատից մինև Սևր և Լոզան. Քաղաքական օրագիր, Բոստոն, 1943թ.)

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives