October 16, 2019

Վախճանվեց բանաստեղծ Համո Սահյանը

  • by Archives.am
  • 1 Year ago
  • 0

«Հայաստանի Հանրապետություն», 20 հուլիսի 1993թ., երեքշաբթի

Հայաստանի Հանրապետության նախագահը, Գերագույն խորհուրդը և կառավարությունը խոր ցավով հայտնում են, որ կյանքի 80-րդ տարում մահացավ բանաստեղծ Համո Սահյանը, և ցավակցում են հանգուցյալի հարազատներին:

 

 

Կտակ

Հազար զրահ մաշած իմ մեծ համբերության
Հոգեպահուստն եմ ես թողնում այրուս,
Որ նա փոքրիկ-փոքրիկ անտեր իր տերության
Մրսած պատերի մեջ չապրի՝ անհույս:

Որդիներիս՝ տոհմիս այրությունն եմ թողնում
Եվ հանճարը նրա վար ու ցանքի,
Խստաբարո, խռով բարությունն եմ թողնում
Եվ խորհուրդը նրա արդար կյանքի:

Թոռնիկներիս… թողեք տեսնեմ ի՞նչ եմ թողնում,
Տեսնեմ որքա՞ն կանաչ, որքա՞ն կարմիր…
Հոգուս մառաններից մի բեռ խիղճ եմ թողնում
Եվ ամոթի մի բեռ որդան կարմիր:

Ծոռնիկներիս վարքը ու գույներն եմ թողնում,
Հոտն ու համն եմ թողնում տոհմածառիս,
Բոլոր ընտիր, ընտիր անուններն եմ թողնում,
Բառ ու բան եմ թողնում տոհմածառիս:

Թոռնթոռներ, ձեզ էլ տերությունն եմ թողնում,
Հարուստ տերությունը իմ հույսերի,
Մտքերիս մեջ դրած տեղուտունն եմ թողնում
Անասելի, շուքով, անասելի:

Հետո եկողների՞ն… ես կարթնանամ հանկարծ
Ու կելնեմ մամռած քարիս տակից,
Կօրհնաբանեմ նրանց և կխնդրեմ նրանց՝
Մի երկու բառ հիշեն այս կտակից:

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives