September 24, 2021

Ռուսլան Խասբուլատովը Երևանում

  • by Archives.am
  • 29 Years ago
  • 0

«Հայաստանի Հանրապետություն», 20 մարտի, 1993թ.

Երեկ երեկոյան Երևան ժամանեց Ռուսաստանի Դաշնության Գերագույն խորհրդի պատվիրակությունը՝ ԳԽ նախագահ Ռուսլան Խասբուլատովի գլխավորությամբ: «Զվարթնոց» օդանավակայանում հյուրերին դիմավորեցին ՀՀ Գերագույն խորհրդի նախագահ Բաբկեն Արարքցյանը, նախագահի առաջին տեղակալ Արա Սահակյանը, տեղակալ Արտաշես Թումանյանը, փոխվարչապետ Վիգեն Չիթեչյանը, պատգամավորներ, պաշտոնական այլ անձինք: Դիմավորողների մեջ էր նաև Հայաստանում ՌԴ դեսպան Վլադիմիր Ստուպիշինը:

Այցը նախատեսված է ԱՊՀ պետությունների միջխորհրդարանական վեհաժողովի և Սանկտ Պետերբուրգում կայանալիք երրորդ լիագումար նիստի նախապատրաստման շրջանակներում: Մինչ Երևան ժամանելը, պատվիրակությունն արդեն եղել էր Մինսկում և Կիևում:

Ժամանելուց անմիջապես հետո Տուսլան Խասբուլատովը մասնավորապես ասաց.

«Երևան ժամանելու ցանկությունը վաղուց կար, սակայն մենք էլ դժվարին խնդիրներ ունենք լուծելու: Բայց մեր համագումարի ավարտից հետո որոշեցի ձեռնամուխ լինել այս գործին: Մինսկում և Կիևում բավականին արդյունավետ աշխատեցինք: Հույս ունեմ, որ մեր աշխատանքն արդյունավետ կլինի նաև հայ գործընկերների հետ»:

Այսօր առավոտյան ՌԴ խորհրդարանական պատվիրակությունը հանդիպում կունենա ՀՀ Գերագույն խորհրդում:

(Սեփ. լրատվություն)

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives