March 8, 2021
  • Homepage
  • >
  • Media
  • >
  • Armenian media
  • >
  • Մարտակերտի մատույցներում շարունակվում են դիրքային մարտերը

Մարտակերտի մատույցներում շարունակվում են դիրքային մարտերը

  • by Archives.am
  • 28 Years ago
  • 0

Ազգ, 27 մարտի, 1993թ., թիվ 56(307), շաբաթ

Մարտի 25-ի երեկոյան և լույս 26-ի գիշերը, ինչպես նաև երեկ օրվա ընթացքում ԼՂՀ Մարտակերտի շրջանում ռազմական լուրջ գործողություններ տեղի չեն ունեցել: Ռազմաճակատի առանձին հատվածներում ընթացել են դիրքային մարտեր: Այս մասին, վկայակոչելով ԼՂՀ ինքնապաշտպանության կոմիտեի տվյալները, Ստեփանակերտից հաղորդում է մեր թղթակից Վահրամ Աղաջանյանը: ԼՂՀ ինքնապաշտպանության ուժերը շարունակում են վստահաբար վերահսկել նախորդ օրերին գրաված բարձունքներն ու մարտավարական մեծ նշանակություն ունեցող Մարտակերտ-Աղդամ ավտոմայրուղին:

Ռազմական լուրջ գործողություններ չեն արձանագրվել նաև Ասկերանի, Մարտունու և Հադրութի շրջաններում, ինչպես նաև Լաչինի մարդասիրական միջանցքի մատույցներում: Գորիս-Լաչին-Ստեփանակերտ ճանապարհը գործում է անխափան:

Միաժամանակ, Ղարաբաղի «Նորություններ» գործակալությունը հաղորդում է, թե նախորդ գիշեր ԼՂՀ ինքնապաշտպանության ուժերը Մարտակերտի ուղղությամբ կասեցրել են ադրբեջանական կազմավորումների գրոհը: Հայկական կողմից զոհվել է 2, վիրավորվել 4 զինվոր: Ադրբեջանական բանակի կորուստներն անցնում են 3 տասնյակից:

Իրենց հերթին ադրբեջանական աղբյուրները հայտնում են դիրքային մարտերի մասին Մարտակերտի շրջանում: Մանրամասնություններ չեն հաղորդվում: Ըստ նույն աղբյուրների, Ղարաբաղի տարածքից հրետակոծվել են Աղդամ և Ֆիզուլի շրջկենտրոնները: Տուժածների մասին տեղեկություններ չկան:

«Ազգ»

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives