September 28, 2021

Զինադադարը պահպանվում է

  • by Archives.am
  • 28 Years ago
  • 0

«Ազգ», 28 հուլիսի, 1993թ., 142(393), չորեքշաբթի

Վերջին օրերին իրադրությունը Լեռնային Ղարաբաղի ռազմաճակատներում կայունացել է: Երեկ և նախորդ գիշեր ԼՂՀ ռազմաճակատի ողջ երկայնքով ռազմական լուրջ միջադեպեր չեն արձանագրվել: Վկայակոչելով ԼՂՀ պաշտպանության բանակի շտաբից ստացված տեղեկությունները՝ Սնարք գործակալությունը հաղորդում է, թե Ադրբեջանի և Ղարաբաղի ռազմական ղեկավարությունը միջոցառումներ են ձեռնարկում, որպեսզի զինադադարի վերաբերյալ ձեռք բերված պայմանավորվածությունը չխախտվի առանձին դաշտային հրամանատարների կողմից, ինչը տեղի էր ունեցել հուլիսի 25-ին: Միաժամանակ, ԼՂՀ լրատվության և մամուլի պետվարչությունը հերքել է ադրբեջանական աղբյուրների տարածած այն տեղեկությունները, թե իբր ներկայումս մարտեր են ընթանում Ֆիզուլի քաղաքի համար: Ղարաբաղի անկախ դիտորդներն այն կարծիքին են, թե ադրբեջանական զանգվածային լրատվության միջոցների տարածած նման տեղեկությունները նպատակ ունեն խափանել ուրվագծվող երկկողմանի շփումները՝ ընդ որում, մեղքը բարդելով ղարաբաղյան կողմի վրա:

Երեկ և նախորդ գիշեր Հայաստանի սահմանամերձ շրջաններում նույնպես ռազմական լուրջ միջադեպեր չեն արձանագրվել:

«Ազգ»

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives