December 3, 2020
  • Homepage
  • >
  • Documents
  • >
  • Գանձակի հայոց փոխանորդի հայտարարությունը Ամենայն Հայոց կաթողիկոսի դիվանին

Գանձակի հայոց փոխանորդի հայտարարությունը Ամենայն Հայոց կաթողիկոսի դիվանին

  • by Archives.am
  • 10 Months ago
  • 0

Գանձակի հայոց փոխանորդի հայտարարությունը Ամենայն Հայոց կաթողիկոսի դիվանին գավառի Ազատ գյուղի զինաթափման, ավարի ենթարկելու և տեղահան անելու, գերմանական ավանում պատսպարվելու և ավանի համայնքին օրհնության կոնդակ շնորհելու մասին

N 136

21 ապրիլի 1920թ.

Գանձակ

Վիճակիս Ազատ գյուղի հայությունը նահանգական կառավարության ուղարկած ավազակաբարո կամավոր զորքի ձեռքով զինաթափվելուց, ավարի մատնվելուց և ապա, որպես թե Գանձակ բերելու նպատակով, գյուղից տեղահան արվելուց հետո, կոտորվում է ճանապարհին Հաջիքենդ ամարանոցից մինչև Գանձակի գավառի գերմանական Ելենենդորֆ ավանը: Մնացորդը, մոտ 500 հոգի, մազապուրծ հասնում է Ելենենդորֆ, որի բնակիչներից ստանում է ամենաջերմ ընդունելություն, հյուրասիրություն և ապաստան երեք օր շարունակ:

Գերմանական այս համայնքը կերակրում է ողջանդամներին, հատուկ խնամք է տանում հիվանդների վերա, ժողովում է ճանապարհի վերա օրերով անթաղ մնացած տասնյակ դիակները և հանձնում տերերին:

Այլև այս համայնքը գիշեր-ցերեկ պաշտպանում է այս հայությունը կոտորվելուց, նորա կանանց և կույսերին լլկվելուց հիշյալ և այլ տեղերից եկած հրոսակներից ամենամեծ անձնանվիրությամբ: Աղետյալ հայերը իրենք արտասուքը աչքերին պատմում էին այն գթառատ սերը, քրիստոնեական մարդասիրական վերաբերմունքը, որին նոքա արժանացել են գերմանական համայնքի կողմից և մխիթարվել:

Զեկուցանելով այս մասին և ի նկատի ունենալով այս գաղութի կարևորությունը ըստ ամենայն մասանց ներկայիս դժնդակ օրերում, խոնարհաբար խնդրում եմ միջնորդել առաջի Վեհափառ կաթողիկոսի շնորհելու համար Ելենենդորֆ գաղութին օրհնության Սրբադաս կոնդակ:

Փոխանորդ Լևոն վարդապետ

ՀՀ ՊԱ, ֆ. 57, ց. 5, գ. 216, թթ. 12-13: Բնագիր: Ձեռագիր:

Հայերի կոտորածները Բաքվի և Ելիզավետպոլի նահանգներում, 1918-1920թթ., Երևան, 2003

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives