«Երկիր», 25 օգոստոսի, 1993թ., թիվ 160 (501)
«Հանրապետության հարավում ստեղծված իրավիճակի կարգավորման համար մեծ հույսեր էինք կապում վարչապետ Սուրաթ Հուսեյնովի հետ»,– Մեջլիսի երեկվա նիստում ասել է Հեյդար Ալիեւը։ Նրա խոսքերով, Հուսեյնովը սեփական նախաձեռնությամբ իր վրա է վերցրել Լենքորանում ստեղծված իրավիճակի խաղաղ կարգավորման գործը։ Օգոստոսի 19-ին Գանձակում տեղի ունեցած խորհրդակցությունից հետո, որին մասնակցում էր նաև Ա. Գումբատովը, խորհրդարանի խոսնակը նշել է, որ վիճակը ոչ միայն չի շտկվել, այլև լարման նոր փուլ է մտել։ Հ.Ալիեւն ընդգծել է, որ Ա. Գումբատովն իր լենքորանյան հեռուստաելույթում շնորհակալություն է հայտնել Գանձակում իրեն աջակցելու համար։
«Հայլուր»
