August 1, 2021

ՌԴ արտգործնախարարությունը մեղադրում է

  • by Archives.am
  • 28 Years ago
  • 0

«Երկիր», 25 օգոստոսի, 1993թ., թիվ 160 (501)

Երեկ ՌԴ արտգործնախարարությունը հանդես է եկել հայտարարությամբ, ուր մասնավորապես ասվում է. «Վերջին օրերին ուշադրություն են գրավում Ղարաբաղի հայերի ակտիվ ռազմական գործողությունները Լեռնային Ղարաբաղի սահմաններից դուրս՝ Ֆիզուլի-Ջեբրայիլ վտանգավոր գոտում։ Մարտական խմբերի առաջացումը դեպի Իրանի սահմանը սպառնում է մեկուսացնել Ադրբեջանի խիտ բնակեցված մի շարք շրջաններ և տասնյակ հազարավոր խաղաղ բնակիչների փախստական դարձնել։ Դա չի կարող արդարացվել որեւէ ռազմական անհրաժեշտությամբ, հակամարտող կողմի զինվորական միավորումները չեն կարող այստեղ այլեւս սպառնալ հայկական ուժերին։

ԼՂՀ ղեկավարները պետք է հասկանան այս ոտնձգությունների անպատասխանատու բնույթը, որոնք խուճապ են առաջացնում Ադրբեջանի խաղաղ բնակչության շրջանում։ Նկատելիորեն աճում է հակամարտության միջազգայնացման վտանգը։

Ռուսաստանը չի կարող անտարբեր մնալ հարյուր հազարավոր մարդկանց ճակատագրի հանդեպ, որ ազգության էլ նրանք պատկանեն, և պահանջում է դադարեցնել ռազմական գործողություններն ու հետ քաշել հարձակվող ուժերը ԼՂՀ սահմանները։ Հակամարտող կողմերի ներկայացուցիչների անհապաղ հանդիպման կազմակերպմանը նպաստելու համար տարածաշրջան է ուղարկվել ՌԴ նախագահի ներկայացուցիչը»։

«Հայլուր»

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives