May 13, 2021

Հայաստանի Հանրապետության նախարարների խորհրդում

  • by Archives.am
  • 30 Years ago
  • Comments Off

«Հայաստանի Հանրապետություն», 6 ապրիլի, 1991թ., շաբաթ

Տեղի ունեցավ Հայաստանի Հանրապետության նախարարների խորհրդի նիստ` վարչապետ Վազգեն Մանուկյանի նախագահությամբ: Քննարկվեց Հայաստանի Հանրապետության բարձրագույն ուսումնական հաստատություններում մասնակի վճարովի ուսուցում կազմակերպելու և 1991-92թթ. ուսումնական տարվա ընդունելության պլանի որոշման նախագիծը:

Նախագահության նիստը հաստատեց 1991-92 ուսումնական տարվա հանրապետության բարձրագույն ուսումնական հաստատությունների պետական պատվերը, որը նախորդ տարվա համեմատությամբ կրճատված է շուրջ 20 տոկոսով: Միաժամանակ որոշվեց պետական բուհերում անվճարին զուգընթաց ստեղծել վճարովի ուսուցման համակարգ: Պետական պատվերով հատկացված տեղերը կզբաղեցնեն միայն մրցույթով անցած դիմորդները: Համապատասխան միավորներ չհավաքած, բայց դրական գնահատական ստացած դիմորդների մի մասին հնարավորություն կընձեռվի սովորել վճարովի սկզբունքով: Պետական բյուջեի հաշվին բուհերի ֆինանսավորումը թողնվեց անցյալ տարվա մակարդակին: Այստեղից և վճարովի ուսուցումից ստացված գումարների հաշվին կբարձրացվի պրոֆեսորադասախոսական կազմի աշխատավարձը:

Քննարկվեցին նաև Հայաստանի Հանրապետության Նախարարների խորհրդին առընթեր բնակչության կենցաղային սպասարկման հանրապետական արտադրական միավորման կանոնադրությունը հաստատելու և Հայաստանի Հանրապետության բարձրագույն կրթության և գիտության պետական կոմիտեի կոլեգիայի կազմում փոփոխությունների մասին հարցերը:

Նախագահությունը բավարարեց Երևանի ժողովրդական տնտեսության ինստիտուտի ռեկտոր Լևոն Վարդանյանի դիմումը և ազատեց նրան աշխատանքից: Ինստիտուտի ռեկտոր նշանակվեց տեխնիկական գիտությունների դոկտոր, պրոֆեսոր Թորգոմ Նալչաջյանը:

  • facebook
  • googleplus
  • twitter
  • linkedin
  • linkedin
Previous «
Next »

Categories

Archives