Երկիր, 19 հունվարի, 1993թ., թիվ 9 (351)
ՀՀ նախագահի՝ խորհրդարանում ունեցած հաղորդման ընթացքում ՆԳ նախարարության հասցեին արված գովեստը և դատախազության, դատական համակարգին ուղղված քննադատությունը ՀՀ ԳԽ իրավական հարցերի հանձնաժողովի նախագահ Կիմ Բալայանը գնահատել է որպես «պրոֆեսիոնալ անգրագիտություն»:
Ա.Մ.-ի հետ զրույցում նա նշել է, որ բացառվում է այս երկու համակարգերից որևէ մեկի «փայլուն» աշխատանք մյուսի անգործության պարագայում:
«ՀՀ նախագահի բերած փաստերը մտացածին են և չեն համապատասխանում իրականությանը: Օրինակ, նախագահը հայտարարեց թե դատարաններում խիստ ընկել է պատժելիությունը: Մինչդեռ գերագույն դատարանի ներկայացրած տեղեկանքը վկայում է, որ 1991-92թթ. պատժելիությունը աճել է 8,1 տոկոսով»,- ասել է Կ. Բալայանը:
Նման փաստերը, ըստ պատգամավորի, խոսում են ՀՀ նախագահի՝ օրինապահ մարմինների նկատմամբ ունեցած դիրքորոշման մասին:
