Ազգ, 16 մարտի, 1991թ., թիվ 9
Լեռնային Ղարաբաղի հայ բնակչությունը բացասաբար ընդունեց պրեզիդենտ Մ. Գորբաչովի դիմումը՝ ուղղված Ադրբեջանի և ԼՂԻՄ-ի ժողովուրդներին։ Ուրբաթ օրը հազարավոր ստեփանակերտցիներ հավաքվեցին քաղաքի կենտրոնական հրապարակում, որտեղ կեսօրին տեղի ունեցավ հանրահավաք, որին մասնակցեցին 10 հազարից ավելի մարդ։
Ելույթ ունեցողները մեղադրեցին ԽՍՀՄ պրեզիդենտին այն հայտարարության համար, թե իբր ԼՂԻՄ-ւ Ադրբեջանի անբաժանելի մասն է։ Նրանց կարծիքով, դա Ադրբեջանի ղեկավարությանը հնարավորություն է տալիս ԼՂԻՄ-ի հայ բնակչությանը տեղահանելու։ Մեկ ժամ անց զորքը ցրեց հանրահավաքը։ Բողոքի ցույցեր տեղի ունեցան նաև մարզի այլ շրջաններում։ Ստեփանակերտի բոլոր ձեռնարկություններն ու ուսումնական հաստատությունները ի պատասխան Գորբաչովի հայտարարության՝ միօրյա գործադուլ հայտարարեցին։
