Քաջազնունու գրությունը

Ժողովրդի ձայն, 26 հոկտեմբերի, 1918թ., թիվ 45

Երևանից՝ Հայաստանի հավատարմատար Ջամալյանին

(տրված է 23-ին, ընդունված է 24-ին)

Հայաստանի խորհուրդը լսելով իմ հաղորդագրությունը վրացական N4303 նոտայի մասին, որը ուլտիմատումով պահանջում է Շահալիից հեռանալ, որոշել է՝

1. Կառավարության կողմից ձեռնարկած քայլերը ողջունել և վավերացնել, առաջարկելով հաստատ մնալ վարած քաղաքականությանը։

2. Կառավարությանը պարտավորեցնել ամեն ջանք գործ դնել միջադեպը խաղաղ կերպով վերջացնելու համար, հուսալով, որ Վրաստանն էլ հեռու կմնա ագրեսիվ գործողություններից և չի անցնի այն գիծը, որի առաջ այժմ կանգնած են նրա զորքերը։

3. Այս մասին հաղորդել Վրաստանի կառավարությանը։

Մինիստր-նախագահ՝ Քաջազնունի