«Երկիր», 1 սեպտեմբերի, 1993թ., թիվ 165(506), չորեքշաբթի
Երեկ, ժամը 16-ին, Ադրբեջանի և Լեռնային Ղարաբաղի ղեկավարությունների միջև ստորագրվել է հրադադարի համաձայնագիր՝ մինչև սթ. սեպտեմբերի 10-ը ներառյալ: Այս մասին «Հայլուրին» տեղեկացրեց Երևանում ԼՂՀ մշտական ներկայացուցիչ Մանվել Սարգսյանը: Նրա խոսքերով, այդ ժամանակամիջոցում կանցկացվի երկու հանրապետությունների ղեկավարների հանդիպում: Համաձայնագիրը Ղարաբաղի կողմից ստորագրել են արտգործնախարար Արկադի Ղուկասյանը և ԼՂՀ պաշտպանական բանակի ընդհանուր հրամանատար Սամվել Բաբայանը, իսկ Ադրբեջանի կողմից՝ Գերագույն խորհրդի նախագահի տեղակալ Ա. Ջալիլովը և պաշտպանության նախարարի պաշտոնակատար Ս. Աբիևը:
