«Երկիր», 1993թ., 19 մարտի, 49 (390)
Ադրբեջանական «Ազադլիգ» թերթում փետրվարի 27-ին ապագրվել է. «Եթե կա իշխանություն, ապա ինչու են տեղի ունենում շուրջկալներ» վերնագրով մի հոդված, որի հեղինակը վրդովմունք է հայտնում այն փաստի առիթով, որ նորմալ զինակոչի փոխարեն ավտոմատավորները անցումներում, մետրոներում առաջին պատահած երիտասարդներին խցկում են ավտոբուս եւ ուղարկում ռազմադաշտ։ «Այդ դեպքում ինչի՞ համար են զինկոմիսարիատները մի քանի հազար աշխատակիցներով հանդերձ»։ Հոդվածագիրը մտորելով այդ հարցի շուրջ ասում է. «Պատասխանելով այս հարցին, կարող են ասել, որ այդպես է, ապա ինչո՞ւ մինչեւ այժմ չկա զինակոչիկներին ապրելատեղից բացակայելը արգելող եւ ոչ մի իրական փաստաթուղթ։ Ինչո՞ւ չկա անձնագրային ռեժիմ»։
