«Երկիր», 1992թ., 1 դեկտեմբերի, 232 (321)
«Հեռուստատեսության մասին օրենքը վերջ կտա հեռուստատեսությունը մեկի կամ մի քաղաքական ուժի մենաշնորհը լինելու իրողությանը: Այն հնարավորություն կտա հեռուստաժամի մոտ 45 տոկոսը տնօրինել այլ կարծիքներ ու տեսակետներ հնչեցնելու, արտահայտվելու համար», Ա.Մ.-ին հայտնել է ԳԽ լրատվության հարցերի հանձնաժողովի նախագահ Մ. Տեր-Գուլանյանը: Նա նշել է, որ հանձնաժողովի նախապատրաստած օրենքի նախագիծը կկարգավորի հեռուստառադիոպետվարչության նախագահի նշանակման հարցը ևս: Ըստ նոր օրենքի, վարչության նախագահը կհաստատվի ՀՀ ԳԽ-ի կողմից: Մ. Տեր-Գուլանյանը նշել է, որ ժամանակն է վերանայել Սամվել Գևորգյանի՝ նախագահի պաշտոնում մնալու հարմարությունը:
