«Երկիր», 1992թ., 27 օգոստոսի, 164 (253)
Ըստ Բաքվի աղբյուրների, Ադրբեջանի ընդդիմադիր շրջանակներում քննարկվում է Մութալիբովի տապալված իշխանության վերականգնելու հնարավորությունը: Ընդդիմությունը ամեն կերպ փորձում է վարկաբեկել ու հեղինակազրկել Էլչիբեյի իշխանությունը: Այսպես, օրինակ, Շամախու շրջանում ընդդիմադիր խմբավորումները՝ Էլչիբեյի կառավարությանը վարկաբեկելու նպատակով, նրան մեղադրում են հացի, ջրի բացակայության և կենցաղային մյուս հիմնահարցերը չլուծելու համար: Մատակարարման ճգնաժամային երևույթների պատճառները հետաքննելու համար Ժողովրդական ճակատը հանձնաժողովներ է ստեղծում: Հակակառավարական քարոզչության տարածմանը վերջ դնելու նպատակով նման հանձնաժողովների ստեղծման անհրաժեշտություն է ծագել նաև Բաքվում և մյուս քաղաքներում:
