«Երկիր», 25 օգոստոսի, 1992թ., թիվ 162 (251)
«Ազերնեվթ» կոնցեռնի փոխնախագահ Վ. Ալեսկերովը հայտնել է, որ եթե մոտ ժամանակներս չավելանան ինվեստիցիոն ներդրումները Ադրբեջանի նավթարդյունաբերության մեջ, ապա երկու-երեք տարուց հետո հանրապետությունը հազիվ թե կարողանա իրեն բավարարել սեփական արտադրության նավթով և նավթամթերքներով: Ադրբեջանում արտադրում են 11մլն տոննա նավթ, որի 8,5 մլն տոննան բավարարում է հանրապետության պահանջները: Վ. Ալեսկերովը ճգնաժամից դուրս գալու միակ ելքը գտնում է այդ բնագավառում արտասահմանյան կապիտալի ներդրման մեջ, որը կարող է տնտեսությունը դուրս բերել ճգնաժամից և բավականին մեծ շահույթ տալ: Նրա կարծիքով, կհաջողվի համաձայնագիր կնքել ամերիկյան «ԱՄՕԿՕ» ընկերության հետ:
