«Երկիր», 25 օգոստոսի, 1992թ., թիվ 162 (251)
Օգոստոսի 22-23-ը, շարունակվում էին աբխազ մարտիկների ռազմական գործողությունները Օչամչիրի շրջանում: Ըստ Թբիլիսիից ստացված տվյալների, աբխազ գվարդիականները պայթեցրել են Կոտոր գետի վրայի 70 մետրանոց ավտոմոբիլային կամուրջը և դրանով արգելել են բռնազավթիչների՝ Աբխազիայից դուրս տանել ժողովրդից կողոպտված գույքն ու հարստությունը:
Ըստ մի շարք աղբյուրների, Թբիլիսիում վրացական ոստիկանությունը բերվել է լրիվ մարտական վիճակի: Վրացական բանակի շտաբի պետը հայտնել է, որ համաժողովրդական հավաքագրումը հնարավոր չէ զենքի բացակայության պատճառով: Հիշեցնենք, որ օր առաջ Շևարդնաձեն զգուշացրել էր հինգ միլիոնանոց վրաց բանակ կազմելու մասին:
Աբխազիայի Հանրապետությունում կազմել է մի հանձնախումբ, որը պիտի ուսումնասիրի բռնազավթված տարածքում Պետխորհրդի զորքերի կողմից կատարված կողոպուտի, սպանությունների, մարդկանց հափշտակման դեպքերը: Այժմ հավաքվում են փաստեր ու տուժածների ցուցմունքներ: Որոշվում է նաև այն մարդկանց պատասխանատվության ենթարկելու հարցը, ովքեր նպաստել են վրացական զորքերի մուտքը Աբխազիա:
