«Հայաստանի Հանրապետություն», 17 հունվարի, 1992թ., թիվ 10 (355)
Հայկական հեռուստատեսության «Հայլուր» լրատվական ծառայության գործունեության դադարեցումը, մեր կարծիքով, կառավարական մարմինների կողմից անկախ լրատվության գոյության և զարգացման դեմ ուղղված քայլ է, որը կարող է անցանկալի նախադեպ դառնալ խոսքի ազատության հետագա անօրինական սահմանափակումների համար:
Առավել մտահոգիչ է այն փաստը, որ «Հայլուրի» կասեցումը տեղի ունեցավ հունվարի 1-ի երեկոյան ՀՀՇ-ի վարչության նախագահ, հանրապետության նախագահի ներքին քաղաքականության և սոցիալական հարցերի գծով խորհրդական Վանո Սիրադեղյանի ելույթից հետո:
Կատարվածն անընդունելի է ժողովրդավարության սկզբունքների և իրավական պետության ստեղծման տեսանկյունից:
