«Երկիր», 8 հոկտեմբերի, 1992թ., թիվ 194 (283)
Կառավարության մամլո կենտրոնի ղեկավար Վլադիմիր Մանոյանը երեկ կայացած բրիֆինգի ընթացքում հայտարարեց, որ հոկտեմբերի 15-ից հետո հացը հանրապետության բնակչությանը կբաշխվի կտրոնների միջոցով:
Պրն Մանոյանը նշեց, որ կառավարությունը առայժմ մտադիր չէ բարձրացնել հացի գինը: Չնայած նրան, որ հացի գինը Հայաստանում ավելի ցածր է, քան ԱՊՀ այլ երկրներում, սակայն նկատի պիտի ունենալ, որ ամենացածր աշխատավարձը նույնպես Հայաստանում է»: Նա նաև նշեց, որ հացը Հայաստանի բնակչության մի որոշ մասի համար միակ հնարավոր սնունդն է, նկատի ունենալով տնտեսական ընդհանուր ծանր վիճակը:
