«Երկիր», 18 հունիսի, 1992թ., թիվ 114 (203)
Արցախի կացության շուրջ խորհրդարանում հունիսի 15-ին կայացած քաղաքական նախնական քննարկումները պետք է շարունակվեն առաջիկա հինգշաբթի կամ ուրբաթ։ Գերագույն խորհրդի արտաքին հարաբերությունների հանձնաժողովը այս տեսակետին հանգեց երեկ գումարած իր նիստում։
Հանձնաժողովը եկավ նաեւ այն եզրակացության, որ քննարկումներից առաջ անհրաժեշտ է լսել հանրապետության նախագահի եւ ԼՂ Հանրապետության Գերագույն խորհրդի նախագահի պաշտոնակատարի ծրագրային ելույթները՝ կարեւորագույն եւ վիճելի հարցերի շուրջ։ Հանձնաժողովը պնդեց, որ խորհրդարանի հանձնաժողովների եւ կուսակցական խմբակցությունների տեսակետներին պետք է անդրադառնալ միայն վերոհիշյալ հիմնական ելույթներից հետո։
