«Երկիր», 1993թ., 6 ապրիլի, 61 (402)
Ապրիլի 2-ին Էդ. Շեւարդնաձեն ստացել է ՆԱՏՕ-ի գլխավոր քարտուղար Մանֆրեդ Վերների ուղերձը, որտեղ Վրաստանի հետ համագործակցելու պատրաստակամություն է հայտնում։ Գլխավոր քարտուղարը հուսով է, որ Վրաստանի ղեկավարը կայցելի Հյուսիսատլանտյան միության շտաբ-բնակարան։ «Ազգային անկախություն» կուսակցության ղեկավար Իրակլի Ծերեթելիի խոսքերով, որը վերջերս է վերադարձել Բրյուսելից, ՆԱՏՕ-ի ներկայացուցիչները հետաքրքրվում են ռուս–վրացական հարաբերություններով։ Ծերեթելին հայտարարել է, որ սկզբունքորեն հնարավոր է ՆԱՏՕ-ի խաղաղարար ուժեր մտցնել Աբխազիա, սակայն նման որոշման կայացումը մեծապես կախված կլինի Վրաստանի ղեկավարության ցուցաբերած ակտիվությունից։ Նա նշել է, որ «Վրաստանի անդամակցելը ՆԱՏՕ-ին ապագայի խնդիր չէ, բայց այդ բանը չի բացառվում»։
