«Երկիր», 9 հոկտեմբերի, 1992թ., թիվ 195 (284)
«Հայաստանի և Ադրբեջանի միջև սեպտեմբերի 19-ին Սոչիում ստորագրված զինադադարի համաձայնագիրը Ադրբեջանի հերթական քարոզչական քայլն էր»,- Ա.Մ.-ի թղթակցին հայտարարեց Հայաստանում ԼՂՀ-ի ներկայացուցիչ Մանվել Սարգսյանը:
Մանվել Սարգսյանը նշեց, որ Ադրբեջանը, ստորագրելով այդ համաձայնագիրը, նպատակ ուներ խաղաղասերի կեցվածք ընդունել, մանավանդ որ Հռոմի վերջին ժողովին նույն Ադրբեջանը մերժեց զինադադար հաստատելու ԵԱՀԽ-ի առաջարկը:
Ավելացնենք, որ առ այսօր Ղարաբաղ չեն ժամանել դիտորդներ, որոնք պիտի գային Ռուսաստանից, Բելառուսից, Ուկրաինայից, Ղազախստանից և Վրաստանից:
