«Երկիր», 1993թ., 7 ապրիլի, 62 (403)
Լարվածությունը չի թուլանում հանրապետության սահմանամերձ շրջաններում։ Չնայած գյուղատնտեսական աշխատանքները չխանգարելու համար երկուստեք կրակի դադարեցման պայմանավորվածությանը, հակառակորդը հեռահար հրետանային եւ այլ զինատեսակներից կրակի տակ է պահում հայկական բնակավայրերը։
Շրջխորհուրդներից ստացված տեղեկությունների համաձայն, ապրիլի լույս 6-ի զիշերը հրետակոծվել են Տավուշի, Իջեւանի, Նոյեմբերյանի եւ Կապանի գյուղերը։ Ըստ տեղեկությունների, տուժածներ չկան, կան մասնակի ավերածություններ։ Տավուշից հայտնում են, որ շրջանի հանդիպակաց տարածքներում, վերջին օրերին, նկատվում են թշնամու կենդանի ուժի եւ զինտեխնիկայի խոշոր կուտակումներ։
«Հայլուր»
